Madrigale Massimo

Nàsciu in Casteddu, est laureau in Scièntzias de s'Educatzioni e spetzialisau sèmpiri in s'Universidadi de is Stùdius de Casteddu in is maistaxus afatantis: "Master de formatzioni sperimentali in Lìngua Sarda po dipendentis de s'Aministratzioni Pùblica" (I liv.) ,  "Approcci interdisciplinari nella Didattica del Sardo" (II liv.), "Corso di formazione sperimentale per operatori della lingua minoritaria". At traballau che a oberadori de su Sardu in is ofìtzius de sa Lìngua Sarda de su Comunu de Siddi e de sa Provìntzia de su Campidanu de Mesu. Fiat professori de Sardu in is cursus apariciaus in Siddi, Casteddu e Cabuderra po is impreaus e po is studiantis. Fait parti de su Boddeu scientìficu de s'assòtziu onlus Acadèmia de su Sardu e at pigau parti a su Comitau scientìficu chi at stèrriu sa norma de su Sardu campidanesu aprovada a totòmini de su Consillu de sa Provìntzia de Casteddu in su 2010. Imprus est unu de is autoris de sa proposta de ortografia chi ddi nant: "SU SARDU proposta de ortografia" aundi cun d-unu alfabetu aguali po totus podeus scriri totu su sardu.